ဗုံး​ခွဲ​ရန် ကြံစည်​မှု၊ နိုင်ငံ​တော်​အကြီးအကဲ​များ​ကို လုပ်ကြံ​ရန် စီစဉ်​မှု​စ​သည့် စွဲချက်​မျိုး​စုံ​ဖြင့် သေ​ဒဏ်​ကျ​ခံ​စေ​ရန် အမိန့်​ကို ကြုံတွေ့​ခဲ့​ရ​သူ ကို​ဇော်​သက်​ထွေး​၏ ကိုယ်​တွေ့​ပြော​ကြား​ချက် by-EMG ရန်ကုန်မြို့​ရှိ အထင်​ကရ​နေရာ​များ​ကို ဗုံး​ခွဲ​ရန်​ကြံစည်​မှု၊ နိုင်ငံ​တော်​အကြီး အကဲ​များ​ကို လုပ်ကြံ​ရန် စီစဉ်​မှု​စ​သည့် အခြား​စွဲချက်​မျိုး​စုံ​ဖြင့် သေ​ဒဏ်​ကျ​ခံ​စေ​ရန် အမိန့်​ချ​ခံ​ရ​ပြီး ထောင်​အတွင်း​၌ ​၁​၇ လ အ​ကြာ​အချုပ်​ခံ​ရကာ ပြန်လည်​လွတ် မြောက်​လာ​သူ ကို​ဇော်​သက်​ထွေး​က ‘ကျွန်တော်​က နိုင်ငံ​ရေး လှုပ်ရှား​ခဲ့​တဲ့​အတွက်​ကြောင့် ​၁​၉​၉​၀​ပြည့်​နှစ်​က​နေ ​၁​၉​၉​၅ ခု​နှစ်​အထိ ထောင်ကျ​ခဲ့​ပါ​တယ်။ ပြန်​လွတ်​လာ​တော့ ကျွန်တော် အေးအေး​ဆေး​ဆေး​ပဲ နေထိုင်​ခဲ့​တယ်။ ​၂​၀​၀​၀​ပြည့် နှစ်​မှာ First Eleven အား​ကစား​ဂျာနယ်​မှာ အယ်​ဒီ​တာ​ချုပ် တာဝန်​ယူခဲ့​ပါ​တယ်။ ကျွန်​တော့်​ရဲ့​နာမည် က ဂျာနယ်​ထဲ​မှာ​ပါ​တော့ ထောင်​ထဲ​က ခင်​တဲ့ သူငယ်ချင်း​တွေ​က​လည်း ဂျာနယ်​က တစ်​ဆင့်​ကျွန်​တော့်​ကို ဆက်​သွယ်​ကြ​တယ်။ သူ​တို့​က ကျွန်​တော့်​ကို နေ​ကောင်း​လား။ အဆင်​ပြေ​လား​စ​တဲ့ မိတ်ဆွေ အပေါင်းအသင်း သဘော​မျိုး​နဲ့ နိုင်ငံ​ခြား​က​နေ​ဖုန်း တစ်​ခါ​တ​လေ​ဆက်​ပါ​တယ်။ တစ်​နေ့​မှာ အသက် ​၇​၀ ကျော်​လောက် ရှိ​တဲ့ အ​ဘိုး​ကြီး​တစ်​ယောက်​က သူ​က မြ​ဝ​တီ​က လာ​တာ​ပါ။ ခင်ဗျား​တို့​ဂျာနယ်​ကို ကိုယ်စားလှယ် လိုချင်​တယ်​လို့ ကျွန်​တော့် ကို​လာ​ပြော​တယ်။ ဒါ​နဲ့ ရုံး​က​လုပ်​ပေး​ခဲ့ တယ်။ နောက်​တစ်​နေ့​ကျ​တော့ အဲ​ဒီ​အ​ဘိုး ကြီး​က​ပဲ ခင်ဗျား​ရဲ့​ထိုင်း​မှာ​ရှိ​တဲ့ သူငယ်ချင်း တစ်​ယောက်​က ဒီ​စာ​လေး​ပေးလိုက်​ပါ​တယ်​လို့​ပြော​လို့ သူ့​ရှေ့​မှာ​ပဲ ဒီ​စာ​ကို​ဖောက် ဖတ်​ခဲ့​ပါ​တယ်။ စာ​ထဲ​မှာ​က ပန်းချီ​ကား​ချပ်​နှစ်​ချပ်​နဲ့ မန္တလေး​သိန်း​ဇော်​ဗီ​စီ​ဒီ တစ်​ချပ်​ကို လူ​ကြုံ​ပေးလိုက်​ပါ​လို့ ပါ​တယ်။ ဒါ​နဲ့ ကျွန်တော်​က အဲ​ဒီ​အ​ဘိုး​ကြီး​ကို ကျွန်တော် ဒီ​ကိစ္စ​မ​လုပ်​ပေး​နိုင်​ဘူး​လို့ ပြော​ပြီး​တော့ သူ့​ရှေ့​မှာ​ပဲ အဲ​ဒီ​စာ​ကို ဖြဲ​ပြီး အမှိုက်​ပုံး​ထဲ လွှင့်​ပစ်​ခဲ့​ပါ​တယ်။ ​ဟီး​နိုး​ကား​ကြီး​နဲ့ ခေါ်​တင်​သွား​တယ်။ ပြီး​တော့ မင်း​တို့​ပူးပေါင်း​ကြံစည်​တဲ့ သူ​အချင်းချင်း​တွေ တွေ့​ရ​ပြီ​လို့ ပြော​တယ်။ ကား​ပေါ်​ရောက်​တဲ့​အခါ​မှာ အခြား သူ​တွေ​ကို ကြည့်​လိုက်​တော့ သူ​တို့​ကို တစ်​ခါ​မှ​မ​မြင်​ဖူး​ဘူး။ သိ​လည်း​မ​သိ​ပါ​ဘူး။ စစ်ကြော​ရေး​မှာ ကျွန်​တော့်​ဆီ​လာ​သွား​တဲ့ ဦး​မျိုး​ချစ်​အကြောင်း မေး​တော့ ထောက်လှမ်း​ရေး​တွေ​က . . . နောက်​တစ်​ရက် မှာ ကျွန်တော်​အလုပ်​လုပ်​နေ​တဲ့ First Eleven ဂျာနယ်​တိုက်​ကို အ​ကူ(၂) ထောက်လှမ်း​ရေး​အ​ယောက် ​၃​၀ လောက် က ဝုန်း၊ ဝုန်း၊ ဝုန်း​ဝင်​လာ​ပြီး​တော့ တွေ့ တဲ့​ဝန်​ထမ်း​တွေ​ကို ကြမ်းပြင်​ပေါ်​မှာ ထိုင်​ခိုင်း​ပြီး​တော့ ကျွန်​တော့်​ကို​လူအ​များ ရှေ့​မှာ​ပါးရိုက်​ပြီး စစ်ကြော​ရေး​ဆောင်ရွက် စရာ​တွေ​ရှိ​ပါ​တယ်​ဆို​ပြီး ခေါ်​သွား​ပါ​တယ်။ သူ​တို့​တွေ​က မင်း​က​ဖောက်ခွဲ​ရေး​သမား တွေ​နဲ့ အဆက်​အသွယ်​လုပ်​ပြီး​တော့ ရန်ကုန်​မှာ ဖောက်ခွဲ​ရေး​တွေ​လုပ်​ဖို့ စီစဉ်​နေ​တယ်​လို့ ပြော​တယ်။ သူ​တို့​ပြော​တဲ့​အရာ​တွေ​အားလုံး ကျွန်တော်​ဘာ​မှ​မ​သိ​ဘူး။ ကျွန်​တော့်​ဆီ​ကို လာ​သွား​တဲ့ အ​ဘိုး​ကြီး​ရဲ့ နာမည်​က ဦး​မျိုး​ချစ်​လို့ သိ​ရ​တယ်။ သူ​တို့​တွေ​က ကျွန်​တော့်​ကို နိုင်ငံ​တော်​ပုန်ကန်​မှု​နဲ့ စစ်ကြော​ရေး​မှာ စစ်​တဲ့​အခါ​မှာ ကြမ်း​လွန်း​လို့ အသက်​အန္တရာယ် တော်တော်​လေး​ကို စိုးရိမ်​ခဲ့​ရ​ပါ​တယ်။ တစ်​ခါ​တစ်​လေ​ဆို​ရင် သေ​ပြီ​လို့​တောင် ထင်​ရ​ပါ​တယ်။တစ်​ရက်​မှာ ​ဟီး​နိုး​ကား​ကြီး​နဲ့ ခေါ်​တင်​သွား​တယ်။ ပြီး​တော့ မင်း​တို့​ပူးပေါင်း​ကြံစည်​တဲ့ သူ​အချင်းချင်း​တွေ တွေ့​ရ​ပြီ​လို့ ပြော​တယ်။ ကား​ပေါ်​ရောက်​တဲ့​အခါ​မှာ အခြား​သူ​တွေ ကို ကြည့်​လိုက်​တော့ သူ​တို့​ကို တစ်​ခါ​မှ မ​မြင်​ဖူး​ဘူး။ သိ​လည်း​မ​သိ​ပါ​ဘူး။ စစ်ကြော​ရေး​မှာ ကျွန်​တော့်​ဆီ​လာ​သွား​တဲ့ ဦး​မျိုး​ချစ် အကြောင်း​မေး​တော့ ထောက်လှမ်း​ရေး​တွေ​က အဲ​ဒီ​အ​ဘိုး​ကြီး​က အသက်အရွယ်​ကြီး​လို့ ရောဂါ​နဲ့ သေ​သွား​ပြီ​လို့ ပြော​တယ်။ တရားရုံး​ရောက်​တဲ့ အခါ​မှာ​အမှုတွဲ​ထဲ​မှာ ဦး​မျိုး​ချစ်​ဆို​တဲ့ အ​ဘိုး​ကြီး​နာမည် မ​ပါ​ခဲ့​ပါ​ဘူး။ ကျွန်တော်​တို့ ရှေ့နေ​ငှား​ခွင့်​တောင်း ခဲ့​ပေ​မယ့် မ​ပေး​ခဲ့​ဘူး။ သူ​တို့​ပေး​တဲ့​ရှေ့နေ​နဲ့​ပဲ ရင်ဆိုင်​ခဲ့​ရ​တယ်။ အဲ​ဒီ​ရှေ့နေ​က​လည်း ကျွန်တော်​တို့​ကို ဒီ​အမှု​က သေ​ဒဏ်​ပဲ​ချ​မယ့် အမှု​လို့​ပဲ​ပြော​တယ်။ ထောင်​ထဲ​မှာ ပူးပေါင်း ကြံစည်​တယ်​လို့ စွပ်စွဲ​တဲ့ လူ​ရှစ်​ယောက်​နဲ့ ကျွန်တော်​စကားပြော​ဖြစ်​တယ်။ ဒီ​အခြေအနေ​ထိ ရောက်​အောင် ပြန်​သုံးသပ်​ကြည့်​တဲ့​အခါ​မှာ အဓိက ဒါ​ရိုက်​တာ​ကတော့ ဦး​မျိုး​ချစ်​ပဲ။ စစ်ကြော​ရေး​စစ်​တဲ့​အခါ​မှာ ဦး​မျိုး​ချစ်​က ကျွန်​တော့်​ဆီ လာ​ပေး​တဲ့ စာ​ကို​ထောက်လှမ်း​ရေး​က မိတ္တူ​ဆွဲ​ပြီး​သား ပြ​တယ်။ ဒါ​ကြောင့်​၂​၀​၀​၃ ခု​နှစ်၊ နိုဝင်ဘာ​လ​မှာ သေ​ဒဏ်​အမိန့်​ချခဲ့​တယ်။ သေ​ဒဏ်ချ​မှတ်​တဲ့ စီရင်ချက်​ထဲ​မှာ ILO ရဲ့ ဖွဲ့​စည်း​ပုံ အခြေ​ခံ​ဥပဒေ​စာအုပ်​ကို တရားမ​ဝင်​အဖြစ် ရေးသား​ထား​တယ်။ ဒါ​ကို​သိ သွား​တဲ့ ILO က တာဝန်ရှိ​သူ​တွေ​က ဒီ​က သက်ဆိုင်​ရာ တာဝန်ရှိ​သူ​တွေ​နဲ့ ကျွန်တော် တို့​အမှု​ကို ဆွေးနွေး​ခဲ့​တယ်။ ထောက်လှမ်း​ရေး​က စွပ်စွဲ​ထား​တဲ့ အကြောင်းအရာ​တွေ ထဲ​မှာ ILO ဖွဲ့​စည်း​ပုံ​ဥပဒေ စာအုပ်​ကိုင်​ဆောင်​မှု​နဲ့​လည်း စွပ်စွဲ​ထား​တဲ့​အကြောင်း အရာ​တွေ​ပါ​လို့ သူ​တို့​ဆွေးနွေး​ခဲ့​ပါ​တယ်။ ပြီး​တော့ International Amnesty တာဝန်ရှိ​သူ​တွေ​နဲ့ ထောင်​ထဲ​မှာ ကျွန်တော်​တို့ တွေ့​ဆုံ​ခွင့်​ရ​ခဲ့​တယ်။ ဒီ​တော့ ကြိုတင် ကြံစည်​ထား​တဲ့ ဇာတ်​လမ်း​တစ်​ပုဒ်​ဆို​တာ နိုင်ငံ​တကာ​က သိ​သွား​တယ်။ ​၂​၀​၀​၄ ခု​နှစ်၊ မေ​လ ​၁​၃ ရက်​နေ့​မှာ သေ​ဒဏ်​က​နေ ထောင်ဒဏ် ​၃ နှစ်​အမိန့်​ကို ပြောင်းလဲ ထုတ်ပြ​န်​ခဲ့​တယ်။ ​၂​၀​၀​၄ ခု​နှစ်၊ အောက်တိုဘာ​လ​မှာ ထောင်ဒဏ် ​၂ နှစ်​ကို ထပ်မံ ပြောင်းလဲ​ပေး​ခဲ့​တယ်။ ​၂​၀​၀​၅ ခု​နှစ်၊ ဇ​န်​န ဝါ​ရီ​လ ​၃ ရက်​နေ့​မှာ လူ​သားချင်း​စာနာ​မှု​အရ လွတ်ငြိမ်း​ချမ်းသာ​ခွင့်​ရ​ခဲ့​ပါ​တယ်။ အဲ​ဒီ​နေ့​မှာ ပူးပေါင်း​ကြံစည်​တယ်​လို့ စွပ်စွဲ​ထား​တဲ့ ​၉ ယောက်​အဖွဲ့​က ​၄ ယောက် က​လွတ်မြောက်​ခဲ့​တယ်။ ​၂ ဦး​က ထောင်​ထဲ​မှာ​ပဲ သေ​ဆုံး​ခဲ့​တယ်။ နောက် ​၂ ဦး​က ပြီး​ခဲ့​တဲ့​ရက်ပို​င်း​က​ပဲ သာယာ​ဝ​တီ အကျဉ်း​ထောင်​က​နေ လွတ်မြောက်​ခဲ့​တယ်။ သူ့​တို့ ဆို​ရင်(၈)နှစ်​ကျော်(၉)နှစ်​နီးပါး ထောင်​ထဲ​မှာ​နေ​ခဲ့​ရ​တယ်။ ကျန်​တစ်​ယောက်​ကတော့ အခု​ချိန်​ထိ ဘာ​သ​တင်း​မှ မ​ရ​သေး​ဘူး။ ဒီ​ရက်ပို​င်း​မှာ လွတ်​သွား​တဲ့​နှစ်​ဦး​ကို လည်း ကျွန်​တော့်​ကို စာ​လာ​ပေး​တဲ့ အ​ဘိုး​ကြီး ဦး​မျိုး​ချစ်​က​ပဲ မင်း​တို့​လျှပ်စစ်​ပစ္စည်း​တွေ အကြွေး​ပေး​မယ်။ အရောင်းအဝယ် လုပ်​မ​လား​လို့ ပြော​တော့ စိတ်ဝင်စား​လို့ ရန်ကုန်​ကို ပစ္စည်း​တွေ​လိုက်​ယူ​ရင်း​နဲ့ စစ်ကြော​ရေး​ထဲ ရောက်​ပြီး သေ​ဒဏ်ချ​မှတ် ခံ​ရ​တဲ့​သူ​တွေ ဖြစ်​ပါ​တယ်။ ဘာ​အပြစ်​မှ​မ​ရှိ ဘူး။ သူ​တို့​ဆင်​တဲ့ အကွက်​ထဲ​မှာ သူ​တို့​လုပ်​ချင်​ရာ လုပ်​ပြီး​တော့ အမိန့်​ချ​မှတ်​လိုက်​တာ ဖြစ်​ပါ​တယ်။ ဒီ​လို​လုပ်​လိုက်​တဲ့ အတွက်​ကြောင့် ကျွန်​တော့်​အနေ​နဲ့ တရား​ရေး မဏ္ဍိုင်​ကို အများ​ကြီး​သံသယ​ဝင်​ခဲ့​တယ်။ သက်ဆိုင်​ရာ​တာဝန်ရှိ​သူ​တွေ​က အမှန်​တရား​ကို​ဘယ်​လို ကာ​ကွယ်​စောင့်ရှောက် နေ​လဲဆို​တာ​ကို ကျွန်တော်​ဘယ်​လို​မှ နား​မ​လည်​နိုင်​ပါ​ဘူး။ ကျွန်​တော့်​လို​ပဲ ဒီ​လို ဘဝ​မျိုး​ခံစား​နေ​ရ​တဲ့​သူ​တွေ​ကို ကိုယ်​ချင်း စာ​ပါ​တယ်။ တကယ်​အပြစ်ရှိ​ရင် အပြစ်ပေး​ခံ​ရ​တာ မ​ထူးဆန်း​ဘူး။ ဒါ​ပေ​မယ့် ဘာ​မှ​မ​လုပ်​ခဲ့​တဲ့​သူ​တွေ ထောင်ကျ​သွား​ရင်​တော့ ဘယ်​လို​လျော်​ကြေး​မျိုး​နဲ့​မှ ပြန်လည် ပေး​ဆပ်​လို့​မ​ရ​ပါ​ဘူး။ အခု​ထောင်​ထဲ​မှာ ကျန်​ရှိ​နေ​သေး​တဲ့ သူ​တွေ​ထဲ​မှာ ဖောက်ခွဲ ရေး​ပုဒ်မ​အမျိုး​မျိုး​နဲ့ ​၁​၇(၁)(၂)တွေ​အမျိုး​မျိုး ထောင်ဒဏ် ချ​မှတ်ခံ​ရ​သူ​တွေ အများ​ကြီး ကျန်​ပါ​သေး​တယ်။သူ​တို့​ကို​လည်း ကျွန်​တော့်​လို​ပဲ ကံကောင်း​စေ​ချင်​တယ်။ လွတ်မြောက်​စေ​ချင်​ပါ​တယ်။ ထောင်​ထဲ​မှာ ဒီ​လို နိုင်ငံ​ရေး အကျဉ်းသား​တွေ အများ​ကြီး​ရှိ​နေ​တုန်း​ပါ​ပဲ။ သူ​တို့​ကို ပြန်​လွှတ်​ပေး​စေ​လို​ပါ​တယ်။’ဟု ပြော​ပြ​ပါ​သည်။ ဓါတ်​ပုံ-၂​၇-၇-၂​၀​၀​၃ နေ့​ထုတ် မြန်​မာ့​အလင်း သတင်းစာ​တွင် ကို​ဇော်​သက်​ထွေး ဖမ်းဆီး​ခံ​ခဲ့​ရ​သော ဖြစ်​စဉ်​နှင့် ပတ်သက်​သည့် သတင်းစာ​ရှင်းလင်း​ပွဲ သ​တင်း​ဖော်​ပြ​ချက်