စိတ်ဝင်စားဖွယ်ရာအချက်များနဲ့မြန်မာပြည်

စိတ်ဝင်စားဖွယ်ရာအချက်များနဲ့မြန်မာပြည် မြန်မာပြည်မှာယာဘက်ကနေကားမောင်းကြပြီးကားအများစုကလဲယာဘက် လက်ကိုင်နဲ့ဖြစ်ပါတယ်။ ကားအများစုရဲ့မောင်းနှင်တဲ့လက်ကိုင်ခွေဟာလက်ယာဘက်မှာ ရှိနေတဲ့အတွက်လက်ဝဲကပ်မောင်းဖြစ်ရင်မျက်နှာချင်းဆိုင်ကလာတဲ့ကား ကိုပိုမြင်နိုင်သလိုကျော်တက်ရာမှာလဲပိုပြီးလွယ်ကူအန္တာရယ်ကင်းစေမှာဖြစ်တဲ့အတွက် လက်ဝဲကပ်မောင်းဖြစ်ရင်ပိုပြီးသင့်တော် ပေမဲ့မြန်မာပြည်မှာလမ်း အားလုံးဟာလဲ လက်ယာကပ် မောင်း ဖြစ် နေပါတယ်။ ကားတွေဟာတချို့ လမ်းတွေမှာ အလည်ခေါင် တည့်တည့်ကလည်း မောင်း နှင်နေတာကို လဲတွေ့ရပါတယ်။ ရှေ့ကားကို ကျော်တက်မယ်ဆိုလျှင် ဘယ်ဖက်မှသာ ကျော်တက်ခွင့် ရှိပါတယ်။ အခြားဘယ်နည်းနဲ့မျှ ကျော်တက်ခွင့် မရှိပါဘူး။ ကားလမ်းပေါ်မှာမြင်ရသမျမှာကားကြီးသူက ဗိုလ်ကျ စတမ်း ဖြစ်ပါတယ်။လမ်းတခုထဲချိုးဝင်တော့မယ်ဆိုရင်မိမိ ချိုးမဲ့ဖက်ကို မီးဆစ်ဂနယ်ပြတာဟာ မယဉ်ကျေးဘူးလို့ယူဆသယောင်ရှိပြီး နောက်ကား ကို အံ့ဩစရာ တစ်ခုခု ဖြစ်စေရန် အချက်မပြဘဲ ချိုးချကြပါတယ်။ ရှေ့ကားကို ကျော်မတက်မီ နောက်ကား လာ မလာကိုလဲသေချာကြည့်ပြီးကျော်တာကိုမတွေ့ရပါဘူး။ ဗြိတိန်နိုင်ငံကနေထုတ်ပြန်တဲ့မြန်မာပြည်ကိုသွားမဲ့ခရီးသွားလာသူတွေအတွက်ကြိုတင် သတိပေးချက်တွေထဲမှာစိတ်ဝင်စားစရာအချက်တခုဟာမြန်မာနိုင်ငံရဲ့ဥပဒေအရ ကားတိုက်မှူဖြစ်ရင်ကားသမားအမှားကြီးပဲဖြစ်ပါတယ်။ဒီ့အပြင်နေပြည်တော်လမ်းကိုညမှာခရီးမထွက်ဖို့အကြံပေးထားပါတယ်။ လမ်းမီးမရှိတာရယ်၊လမ်းမျက်နှာပြင်မညီတာရယ်အတွက်ကြောင့်ပါ။ တကယ်ကနိုင်ငံခြားကလာတဲ့ကလေးတွေဟာမြန်မာပြည်မှာအင်မတန်ပျော်ကြပါတယ်။ သူတို့ဟာ နိုင်ငံခြားမှာ မွေးကထဲကကားပေါ်ရောက်ရင် ခါးပတ်ပတ်ပြီးငြိမ်ငြိမ်နေနေရပါတယ်။မြန်မာပြည်မှာတော့ကားစီးရင်ကလေးတွေဟာ ကားကိုမတ်တပ်ရပ်ပြီးစီးလဲရပါတယ်၊ ကြိုက်သလိုလွပ်လပ်ခွင့်အပြည့်နဲ့ မိဘပေါင်ပေါ်ထိုင်စီးလဲရပါတယ်။ဒါကြောင့်အင်မတန်ပျော်ကြပါတယ်။ မြန်မာပြည်မှာထူးဆန်းတဲ့အချက်ဟာမိမိအသက်အန္တာရယ်ကာကွယ်ဖို့အတွက်ထိုင်ခုံ ခါးပတ် ပတ်တာကိုမတွေ့ရပါဘူး။ ကားမောင်းနေစဉ်မှာ ကားဒရိုင်ဘာ တွေဟာအခြားကိစ္စ များပါ လုပ်ဆောင်နေတာတွေကိုလဲတွေ့ရပါတယ်။ ဥပမာ ဒရိုင်ဘာ အသစ်များ အတွက် ကွမ်းစားခြင်း၊ မိုဘိုင်းဖုန်း ပြောခြင်း စသည် တို့ဖြစ် ပြီး ဝါရင့် ဒရိုင်ဘာများ အတွက် အစား တစ်ခုခုစားခြင်း၊ ဒေသထွက် အရက်သေစာ တစ်မျိုးမျိုး သောက်သုံးခြင်း၊ ကာရာအိုကေ လိုက်ဆိုခြင်း၊ ဗွီဒီ ယို ကြည့်ခြင်း စသည်တို့ ဖြစ်ပါတယ်။ ကားလမ်း ပိတ်ဆို့ နေရင် မြေမာလမ်းပေါ်ကနေ မောင်းနှင်ကြပါတယ်။ မြေမာလမ်းပါ ပိတ်ဆို့နေရင် ပလက်ဖောင်းပေါ်ကနေ မောင်းနှင်ကြတာကိုတွေ့ရပါတယ်။ ညပိုင်း ကားမောင်းတာမှာထူးဆန်းတာဟာကား ရှေ့မီးကို တစ်ဖက်က လာနေတဲ့ ကားသမားရဲ့ မျက်နှာ တည့်တည့်ကို ထိုးထားတာကိုလဲတွေ့ရပါတယ် ကား ရှေ့မီး လုံးဝ မဖွင့်ဘဲလည်း မောင်းနှင်နိုင်တာကိုလဲတွေ့ရပါတယ်။ ကားအရမ်းကြပ်နေရင် "အကိုရေ၊ တစ်စီးစာ နော်" ဟု ကားပြူ တင်းမှ လက်ထုတ်ပြပြီး ဆဲနေတဲ့ကြားကနေ ရအောင် ဝင် တိုးပြီး မောင်းနှင်တာကိုလဲတွေ့ရပါတယ်။ ဆဲရေးတိုင်းထွာမှုကိုလဲမမှူကြပါဘူး။ကားမောင်းတိုင်းကြားရဖန်များလို့ရိုးနေသယောင်ရှိပါတယ်။ သက်ကြီးရွယ်အိုများ၊ စက္ခုအလင်း ကောင်းကောင်းမရသူများ၊ မသန် စွမ်းသူများ လမ်းဖြတ်ကူးရင် ယဉ်ကျေးသိမ်မွေ့စွာနဲ့ "သေချင်လို့ ထင်တယ်၊ ကိုယ်အိမ်ထဲမှာ နေတာ မဟုတ်ဘူး သေနာကြီးက၊ အကန်းက၊ အကျိုးက စသဖြင့် ပြောဆိုသံတွေကိုလဲကြားရပါတယ်။မော်တော်ပီကယ်ကို ဝိုင်းရိုက်ကြတဲ့သတင်းတွေကိုလဲကြားရပါတယ်။ ဒီကားလမ်းတွေပေါ်မှာပဲအခွင့်ထူးခံလူတန်းစားကားမောင်းနေသူတွေရှိနေတာကိုလဲတွေ့ရပါတယ်။ပြည်သူတွေကြားထဲမှာဘယ်သူဘယ်ဝါရဲ့သားသမီးကားဆိုတာတွေလဲရှိနေပါသေးတယ်။ကားလမ်းကိုကြိုက်သလိုသူတို့မှာမောင်းပိုင်ခွင့်ရှိနေပြီးယဉ်ထိန်းရဲကိုပါးဆင်းရိုက်ပိုင်ခွင့်လဲရှိနေပုံရပါတယ်။ ကားလမ်းပေါ်မှာဈေးရောင်းတဲ့လမ်းမတန်းကြီးကိုလဲမြန်မာပြည်ရဲ့ညနေမြင်ကွင်းအလှတခုအနေနဲ့တွေ့ရပါတယ်။ကားသမားတွေဟာလဲနိုင်ငံတကာနဲ့ယှဉ်ရင်ပထမဆွဲမှာသေ ချာလောက်အောင်ကားလမ်းမပေါ်ကဈေးခင်းတွေဆိုက်ကားတွေကိုရှောင်ရတဲ့အပြင်ငါးမိနစ်တခါတွေ့တဲ့နေရာကနေကားလမ်းကူးနေသူတွေပါရှောင်ပြီးလိုရာခရီးရောက်အောင်သွားနိုင်ကြတာဟာအင်မတန်အံ့ဩဖွယ်ရာဖြစ်ပါတယ်။အဲဒီလိုရှောင်နေရတာများလို့မျဉ်းကြားမှာပါမရပ်တော့ပဲလိုရာ ခရီးကိုရောက်အောင်တစိုက်မတ်မတ်မောင်းနှင်နေကြရပုံပေါ်ပါတယ်။ မြန်မာပြည်မှာပြည်သူတွေဟာကားလမ်းကူးဖို့အတွက်လမ်းတဖက်ရောက်အောင်ကူးချင်ရင်ဘာကိုမှသိပ်ကြည့်နေစရာမလိုပဲကားလမ်းကိုတွေ့တဲ့နေရာကနေဖြတ်ကူးလိုက်ဖို့ပဲလိုပါတယ်။လူကူးမျဉ်းကြားတွေဟာတနေရာနဲ့တနေရာအင်မတန်ဝေးကွာနေတဲ့ အပြင်လူကူးမျဉ်းကြားမှာလူကူးနေလို့လဲဘယ်သူမှရပ်မပေးပါဘူး။ဒီအတွက်ကူးသူတွေဟာအပြေးသန်ဖို့ပဲလိုပါတယ်။ အင်မတန်အရေးကြီးတဲ့အချက်တခုဖြစ်တဲ့ယာဉ်အချက်ပြမီးအသုံးပြုပုံတသမတ်တည်း မရှိတာဟာလဲအလွန်အန္တာရယ်ကြီးပါတယ်။မြန်မာနိုင်ငံမှာယာဉ်မောင်းသူများနဲ့ ယာဉ်အသုံးပြုသူတွေနားလည်ထားတာဟာရှေ့ယာဉ်ဟာလက်ယာဘက်အချက်ပြမီးပြထားရင်ရှေ့ယာဉ်ဟာရပ်ခါနီးဒါမှမဟုတ်လက်ယာဘက်ကိုကွေ့မယ်လို့အဓိပ္ပါယ်ရပါတယ်။ ရှေ့ယာဉ်ဟာလက်ဝဲဘက်အချက်ပြမီးပြထားရင်လက်ဝဲဘက်ကိုကွေ့မယ် (သို့)လက်ဝဲဘက်ကိုထွက်မယ်လို့အဓိပ္ပါယ်ရပါတယ်။ဒီလိုမျိုးယာဉ်မောင်းသူများနဲ့ယာဉ် အသုံးပြုသူတွေဟာရန်ကုန်လိုမြို့ကြီးများမှာနားလည်ထားကြပါတယ်။ ဒါပေမဲ့အဝေးပြေးလမ်းမကြီးတွေမှာယာဉ်မောင်းသူများနဲ့ယာဉ်အသုံးပြုသူတွေ ဟာဆန့်ကျင်ဘက်ပြောင်းပြန်အသုံးပြုနေတာကိုတွေ့ရပါတယ်။ ဒီလိုအချက်ပြမီးကြောင့်အသက်မဆုံးရှုံးသင့်ပဲအသက်ဆုံးရှုံးခဲ့ရတာတွေလဲတွေ့ရပါတယ်။ စိတ်ဝင်စားဖို့အကောင်းဆုံးအချက်ကတော့အုပ်ချုပ်သူအစိုးရဟာလဲ ပြည်သူတွေဟာ နေ့စဉ်အသက်ဖက်နဲ့ထုတ်ပြီးပြေးလွှားနေရတာဟာမာရသွန်ပြိုင်ပွဲအတွက်အပြေး ကျင့်နေတယ်လို့ထင်နေသရောင်ရှိပြီးအလွန်အရေးကြီးတဲ့အချက်ပြမီးတသမတ်တည်း အသုံးပြုဖို့အစရှိတဲ့လမ်းစည်းကမ်း၊ယာဉ်စည်းကမ်းတွေကိုထိရောက်စွာဖြေရှင်းတာ ကိုမတွေ့ရ သေးတာပဲဖြစ်ပါတယ်။ OMO